طريقه تجنن لكيكة الشيكولاته (بلاك فورست)

السلام عليكم
انا النهاردة جايبلكم طريقه جميله اوى
لعمل كيكة الشيكولاته
بس بجد حلوة موت

المقادير :
10 بيض - فانليا - 300 جرام دقيق - 250 جرام سكر - 50 جرام كاكاو يفضل الخاص بالطبخ - ملعقة كبيرة بيكنج بودر

التزيين :
ربع كوباية سيرب خفيف (شربات) - نص كيلو كريمة لبانى طازة ( وبينج كريم) - 40 جرام سكر - 200 جرام شيكولاته غامقة سايحة - كرز طازة او معلب - شيكولاته فارماسيلى - شيكولاته مبشورة

الطريقة :
نخفق البيض مع الفانليا جيدا ثم نضيف السكر تدريجيا مع الاستمرار فى الخفق حتى يصير الخليط كريمى ، نخلط الدقيق مع الكاكاو مع البيكنج بودر ويضاف تدريجيا للبيض والسكر مع الاستمرار فى الخفق حتى تتكون عجينة سائلة هشة
نحضر صينية مدهونة زبدة ومرشوشة بدقيق خفيف حتى لا تلتصق بها العجينة ونصب الخليط ونضعه فى فرن حرارته 180 درجة فى المنتصف من 20 الى 25 دقيقة وبعد انتهاء المدة وللتأكد من سوا الكيكة ندخل سكين رفيع فى المنتصف ان خرج بدون اى عجينة ملتصقة به تبقى الكيكة استوت لو فيه عجين نسيبها 5 دقايق كمان
تترك الكيكة تبرد ثم تقسم طبقتين وتسقى بالشربات (السيرب) بواسطة فرشاة

التزيين :
نحضر الكريمة ونضع عليها 40 جرام سكر ونخفقها بالمضرب حتى تصير كريم شانتيه بس ما نزودش الضرب علشان ما تبقاش زبدة ، ونضع عليها الشيكولاته السايحة كده بقى عندنا كريمة شيكولاته
ناخد الطبقة الاولى من الكيك ونضع طبقة كريمة شيكولاته وعليها حبات الكرز ثم تغطى بالطبقة الاخرى من الكيك وتغطى كل الكيكة بكريمة الشيكولاته وتوضع فى الجوانب شيكولاته فارماسيلى ... اما الوجه يزين بوردات كريمة عليها حبات الكرز ونغطى وش التورتة كله بالشيكولاته المبشورة وكتروا الشيكولاته علشان بحبها اوى

عاوز اقوللكم يا جماعه الكيكه دى انا جربتها بس طلعت جميله اوى
اممممممممممممممم طريقه تجنن لكيكة الشيكولاته (بلاك فورست) Icon_cheers

يللا بقى قولولى رايكم؟؟؟ طريقه تجنن لكيكة الشيكولاته (بلاك فورست) Icon_flower

ميرسى حلوة اوى

شكرا على الخطوات