خدعــــوك فقالوا ...الاسلام دين ديموقراطي!!!!

خدعــــوك فقالوا ...الاسلام دين ديموقراطي!!!!

خدعوك فقالو ان الاسلام هو دين الديموقراطيه

مع ان الاسلام عمره ما كان دين ديموقراطي ابداً

وعمره ما اعترف بالديموقراطيه بل بالعكس دي الديمقراطيه بتتعارض مع مبادىء الاسلام وحتى النبي ليس ديموقراطي وانا اتحدى اي حد

انه يجبلي ايه واحده او حديث واحد بيحث على الديموقراطيه او حتى بيعترف بيها واحنا لازم نعترف بالشيء ده وما نكبرش

الديموقراطيه لا توجد الا في المجتمعات الغربيه الحقيقه انهم همه اللي ابتكروها وطبقوها انما احنا لاء

وقبل ما حد فيكم يكفرني او يهدر دمي او طبعا يحزف الموضوع انا هثبت لكم صحه كلامي

اولا يعني ايه ديمقراطيه الديمقراطيه هي حكم الشعب للشعب يعني ايه يعني ان الشعب يحكم نفسه بنفسه يعني الدوله الديموقراطيه

قبل ما تاخد اي قرار تعمل استفتاء للشعب لو وافق خلاص يعتمد القرار لكن لو رفض يلغى القراروالتالي الشعب هو المرجعيه الاساسيه

للحكومه هو اللي بيحدد الصح والغلط والحلال والحرام واللي يطبق واللي مايتطبقش يعني مفيش عندهم صح وغلط وحلال وحرام لكن فيه

الشعب عاوز او الشعب مش عاوز هو ده النظام الديموقراطي ومثال على كده ان احد البلاد الديموقراطيه قررت منع تداول الخمر في

الشوارع وعملت استفتاء للشعب على القراار ده فرفض الشعب فحاولت الحكومه توعيه الشعب من اضرار ومفاسد الخمر لكن مافيش فايده

وفي الاخر رضخت الحكومه لرغبه الشعب ولغت القرار مع ان الخمر محرمه في كل الديانات السماويه وشديده الضرر لكن ..

.
الشعب عاوز كده

اما الاسلام فليس فيه حكم الشعب للشعب ولكن حكم الله للشعب

و ده فرق كبير جداً

لان الدول الديموقراطيه بتخضع لاراده الشعب (او هو ده المفروض رغم ان ده مش ديماً بيحصل) بعض النظر عن الحكم الشرعي للشيء

نفسه يعني مفيش حلال وحرام او صح وغلط لكن فيه . . .الشعب عايز كده

حتى لو كان اللي عاوزه الشعب مخالف للدين وحتى للمنطق زي موضوع الخمر اللي اتكلمت عنه

اما الاسلام ففيه شوري قال تعالى (وشاورهم في الامر )

ومدح المؤمنين وقال (وامرهم شورى بينهم)

فحريه الرأي والفكر وحريه الاديان من مبادي الاسلام الاساسيه دون شك اما الديموقراطيه

فبعيده كل البعد عن الاسلام

عرفت بقى دلوقتي هما خدعوك ليه

و الخلاصه اننا فاهمين ان الديموقراطيه هي حريه الراي وده مش معناها او ده مفهوم ضيق جداً لها

اما المفهوم الواسع والحقيقي للديموقراطسيه فهو زي ما وضحت في الموضوع

لكن بسبب عدم فهمنا للمعنى الحقيقي بنلصق الديموقراطيه بالاسلام وبكده بنكون بنسيئ للاسلام من غير قصد

و لازم نكون اكثر حرصاً لما نتكلم عن الاسلام خاصه قدام غير المسلمين

لان انا لا اقول ان الاسلام دين ديموقراطي قدام غير المسلم هيفهمها بالمعنى الصحيح للديموقراطيه مش بالمعني اللي

انا فهماه عنها

وفي الختام

سعادتنا في الاسلام

مش في الديموقراطيه ولا الراسماليه و لا الليبراليه ولا الاشتراكيه ولا . . . .

سعادتنا في الاسلام

ولا شيء غير الاسلام

وليس له اسم غير الاسلام

لا استنى امال ايه امركم شورى

بارك الله فيكى